MITHRIDATES III cognomine Eupator seu Dionysius

MITHRIDATES III cognomine Eupator seu Dionysius

Rex Ponti, vi tantâ et animi, et corporis, ut 6. iuges equos regeret, duarumque et viginti gentium ore loqueretur. A Romanis gravisime laesus, cum iustitiam sperare non posset, aggressus foederatos eorum, Nicomedem Bithyniâ, Ariobarzanem Cappadociâ expulit. Graeciam, insulasque omnes, exceptâ Rhodô, occupavit. Cives Romanos, totâ Asiâ negotiantes, nocte unâ occidendos curavit. Qu. Oppium proconsulem et Apuleium legatum in vincula coniecit: Sed a Sylla, qui Athenas receperat, apud Dardanum fusus, cum L. Lucullo apud Cyzicum, dein cum Pompeio congressus, tantâ suorum clade superatus est, ut rebus suis diffidens, ad Tigranem Armeniae regem confugerit: cuius ope cum bellum instaurâsset, a Pompeioomnibus prorsus viribus est exutus, tandemque a Pharnace filio, in regia, absessus, venenô vitamabrumpere tentavit. Verum cum eâ viâ parum proficeret, quod corpus multis antea antidotis adversus venena firmavisset (unde Martial. l. 78. Epigr. 5.

Profecit potâ Mithridates saepe venenô,

Toxica ne possent saeva nocere sibi.

Vide Plin. l. 25. c. 2 et Gell. l. 17. c. 16.) immissum percussorem Gallum, auctoritate vultûs eius territum revocavit, et in caedem suam manum trepidaotis adiuvit. Hic Mithridates maximae crudelitatis arguitur. Nam Laodicem coniugem et sororem, Praeterea matrem, fatrcmque ac tres filios impuberes, totidemque filias interfecit. Coeterum literatus; et literatorum ingens fautor, ipsemetlibrum, de Arcanis morborum, scripsit, quem inter praecipua triumphi ornamenta, Pompeius Romam detulit, a Lenaeo liberto huius dein Latine redditum. Ab hoc Mithridate quoque Mithridaticum antidotum appcllatum volunt; quod Quintus Sammonicus sic describit:

Bis denum rutae folium, salis et breve granum,

Iuglandesque duas, totidem cum corpore sicus:

Haec oriente die modico conspersa Lyaeo

Sumebat, metuens dederat quae pocula mater.

Pluta de hoc vide apud Appian. de bello Mithrid. Livium l. 77. 78. et seg. Brev. Flor. l. 3. c. 5. Velleium Paterc. l. 2. c. 18. seg. Gell. l. 17. c. 17. Plin. l. 24. c. 2. l. 37. c. 2. Plut. in Sulla, Lucullo, Pompeio. Dion. etc.